Domino fratribus Aldetrudis. Ego Letardus et uxor sua Tetza, venditores, vendedissimus nos tibi campum unum qui est situs in pauco Cabilonense, in fine Fabriciasense, ubi in Camploco sedit; terminat de uno latus Sante Leodegarii, de alio latus de ipsa ereditate, in uno front via puplica, in alio front de ipsa ereditate; abet in longo percicas XXX, in lato in ambis frontibus percicas V. Infra istas terminaciones vel percicaciones, totum at integrum vobis vendimus, et accepimus de vobis precium in valente solidos V, et pro ipsa precia manibus recepimus, tradimus adque transfundimus, neminem contradicentem. Si ego ipsius, au ullus omo, au ullus de eredibus nostris, qui contra vendicione ista venire tentare vel calumniare presumpserit, de auro uncia media coactus componat, et inantea firma estabilis permaneat, constipulatione subnexa. Actum Sancte Germane. S. Letardo et uxor sua Titzane, qui vendicione ista fecerint et firmare rogaverunt. S. Costabulo. S. Rotberto. S. Vuandaldrodo. S. iterum Rotberto. S. Letbaldo. Ego Bernardus dadavit die dominico, mense julii, anno secundo regnante Loterio rege.