Charta qua Achardus et uxor ejus Adaleidis dant monasterio Cluniacensi duos campos in villa Baisias et villare in Colonicas.
Divina largitate sancitum est ut de rebus transitoriis ęterna merces valeat comparari. Igitur ego, in Dei nomine, Achardus et uxor mea Adaleidis donamus aliquid de rebus nostris Deo et sanctis apostolis ejus Petro et Paulo, in monasterio Cluniensi; quę res sunt sitę in pago Matisconensi, in villa quę dicitur Baisias. Ibi donamus unum campum qui terminatur a mane et a sero terra Sancti Vincentii, a meridie et a cirtio terra Leucilini. Et in alio loco campum unum cum silva adstante contigua, qui terminatur a mane et a sero terra Sancti Vincentii, a meridie et a cirtio Sancti Petri necnon Sancti Mauricii. Et in alio loco villari, in Colonitas resedit, et terminatur de uno latere via publica, de tribus partibus adheret terrę Richardi; et unum pratum, quod terminatur de uno latere rivo Merdentio volvente, de uno latere et una fronte terra Sancti Pauli, de quarta parte gutta viva. Donamus et
alium campum qui terminatur de uno latere rivo Merdencio volvente, de duabus partibus terra Sancti Pauli, de IIII
ta terra Richardi. Hęc omnia denominata et determinata donamus ad ęcclesiam Sancti Petri, hoc est Cluniaco, ita duntaxat, ut quandiu nos et filius noster Rotbertus vixerimus teneamus, et post obitum nostrum, nullo contradicente, ad jam dictum locum revertantur. Sic sollenniter destinamus ac statuimus, pro remedio animarum nostrarum et salute, ut jam tunc de his faciatis vos, seniores nostri de Cluniaco, quod vobis melius placuerit. S. Achardi et uxoris ejus Adaleidis, qui donationem istam fecerunt et firmari rogaverunt. S. Otholardi. S. Eurardi. S. Martini. S. Vulfardi. S. Ebbonis. Ingelbertus, consentiente Dodone presbitero, scripsit II feria, kalendis decembris, regnante Lothario rege.