In nomine sanctæ et individuæ Trinitatis. Lotharius, gratia Dei rex, prædecessorum nostrorum consuetudines regum obtinemus, si familiariter congruis in petitionibus fideles nostros exaudimus. Quapropter universę sanctæ Dei ecclesię nostrorumque omnium fidelium, tam præsentium quam et futurorum, animis notum esse volumus, quoniam domina mea mater gloriosissimaque Girberga regina, per consensum suorum nostrorumque fidelium, accessit nostrę presencię serenitatis, maternis cum jussionibus rogans ut monasterium quod est situm in comitatu Trahesino, in honore sancti Amandi dicatumque, eo quod absque rectoribus esset, veluti in inhabitabilibus locis, monasterio Cluniacensi suisque rectoribus subderemus, cum suis omnibus ad se rebus pertinentibus, tam in villis quamque in prediis omnibus, cumque mancipiis utriusque sexus, pratis, vineis, silvis, aquis aquarumque decursibus, et regressibus et exitibus; cui assensum præbentes, quo ecum fuerat, petitiones in hac jussione, ut in aliis, suscepimus, pręfatumque monasterium Sancti Amandi cum omni integritate, ut jam dictum est, jam dicto Cluniacensi monasterio subdendo concessimus, eo statu ut, in quantum Deus illis subpeditaverit auxilium, eum construant locumque habitabilem prout poterint retdant, quatenus cun[c]tipotens Deus ibi jugiter laudetur cum sanctis, dominaque mea gloriosissima nobiscum mater, quę hoc statuit, æternæ felicitatis premio, Christo largiente, donetur. Et quo firmius credatur stabiliusque possideatur, manu propria subterfirmavimus et anulo nostrę auctoritatis ratum insigniri jussimus. Domni et gloriosissimi (Monogramme) signum Lotharii regis. Gezo, humilis questor, ad vicem Artoldi, archiepiscopi summique cancellarii, recognovit. Datum nono kalendas decembris, regnante gloriosissimo Lothario rege anno V, indicione tercia. Actum Divionensi in palatio, feliciter. Amen.