Divina pietate legumque actoritate sancitum est, ut de terrenis rebus celestia adquirere debeamus. Quapropter nos quidem, videlicet nomine Giraldus, sacerdos, et Rotlannus, levita, donamus Deo et sancti sui apostoli Petri et donni Mayoli abba, ad locum qui dicitur Clunia (sic): sunt res in pago Lucdunense, in agro Casnemse, in villa qui dicitur Yvueranda. Est curtilus cum vineis et arboribus et exitibus suis; abet fines et terminaciones a mane et a medio die terra Sancti Romani, a sero via vicinabile, a cercio ipsi Giraldi cum eredibus suis. Et in locum qui dicitur Pontet unum campum, et terminat ipsus campus a mane et a medio die et a sero et a cercio de ipsa ereditate. Infra istas terminaciones, vobis donamus et cedimus et transfundimus et de nostra jure tradimus in vestra, et faciatis vos vel successores vestri quiquid facere volueritis, nisi tantum si in beneficio deditis cum eredibus nostris revertit. Sed si nos, aut ullus de eredibus nostris, aut ulla emissa persona venerit, qui ista donacione calomniare au inferre voluerit, auri liberas coactus componat X, et postea firma permaneat, constipulacione subnexa. S. Giraldus, sacerdos, et Rotlannus, levita, qui donacione ista fierunt et firmare rogaverunt. S. Walterio. S. Albiricus. S. Achardus sacerdos. S. Ragimundus. S. Agmo. S. Durannus. S. Raulfus. Data per manu Jhohanni, sacerdoti, in die dominico, VI nonas octobris, regnante Gonrado rege.