Placuit atque convenit domno abbati Maiolo sibique subjectis ut scamium facerent cum quodam viro, nomine Bricio, et uxore sua, nomine Anseeldis. In primis donat isdem vir Bricius et uxor sua Anseeldis Sancto Petro vineam in villa Masiliaco, quę terminatur a mane via publica, a medi die terra Sancti Johannis, a sero Andreę, a cirtio Vuiberti; et habet in longum perticas XX et in latum perticas II, et pedes VIIII; et faciant supradicti monachi quod voluerint. Et qui contradixerit auri unciam componat, et hęc venditio firma et stabilis permaneat. S. Bricii et uxoris ejus Anseeldis, qui vendiderunt et ipsi firmaverunt. S. Wiberti. S. Ansierii. S. Andreę. S. Rainaldi. S. Seivaldi. Benedictus scripsit mense januario, anno VI Lotharii regis.