Dilecto in Christo fratri Amblardo Lugdunensis ęcclesię archiepiscopo, nos quidem Rotbertus et uxor mea Aaleldis et Bernardus et uxor mea Eldegardis pariter venditores, cum infantibus nostris his nominibus: Stephano et Ermengardis, vendimus vobis aliquid ex rebus nostris, qui sunt sitas in pago Alvernico, in agro Thyernensis, et in vicaria Dorotensis, et in villa qui dicitur Nymsiaco, et in alio loco qui dicitur Givreta, et in alio loco qui dicitur Montebrisone, et in alio loco qui dicitur Arlatio, et in vicaria Lodosense; similiter vendimus tibi villa que dicitur Leodriaco; similiter et in alio loco villa Colomna, et in alio loco qui dicitur Foliosa, et in alio loco qui dicitur Arnoioli. Quantum infra istas res nos per legitimum hereditatem advenire legibus debet, usque inexquisitum, totum ad integrum tibi nos vendimus, cum campis, pratis, vineis, silvis, agicis, agescenciis, cultu sive incultibus, atque omnibus mancipiis nostris, totum ad integrum pariter tibi vendimus atque transfundimus, et accepimus a te precium solidos CCCC in ea ratione ut post hac die faciatis quic volueritis, id est adhabendi, vendendi, perdonandi, seut liceat commutandi, vel quicquid facere volueris faciendi. Si quis vero, si nos ipsi, aut ullus de heredibus nostris, aut ulla emissa persona, qui contra hanc vendicionem aliquam calumniam inferre voluerit, nullatenus vindicet, sed inferat tibi vel cui litem intulerit tantum et aliud tantum quantum prædicte res eo tempore emeliorate valuerint, et inantea hec vendicio firma et stabilis permaneat, cum stipulacione subnexa. Noverint omnes, tam presentes quam futuri, quia ducenti solidi ex his quadringentis quod superius nominavimus, dati sunt Rotberto pro empcione alodi, et alii ducenti pro comparacione canonice Stephani, filii Bernardi et Eldegardis, et nepotis ipsius Rotberti. Signum Rotberti et uxori suæ ejus Aaleldis et Bernardi et Eldegardis, qui hanc vendicionem pariter fieri et firmare rogaverunt. Signum Stephani. Signum Ermengardis. Signum Fulcherio. Signum Rorgo. Signum Vulgrimo. Signum Aaleldis, uxoris Rotberti. Signum Rotberti. Signum item Rotberti. Signum Astorgo. Signum Bertranno. Signum Dalmacio. Data per manum Teutardi, Sancti Stephani dyaconi, sub die mercoris, in mense novimbrio, anno XXV regnante Conrado rege.