Sicut indubitanter fides credentium tenet, ita Christi benignitas mortalibus consulit, ut ex bonis temporalibus quę lege mortis amissuri sunt, mansura perennis vitę pręmia sibi valeant preparare, ut scriptum est: «Divitię viri redemptio animę ejus.» Quapropter, in Dei nomine, ego Albericus, gratia Dei comes, dono Deo [et sancto Johanni Baptistę] sanctisque apostolis ejus Petro et Paulo Cluniensis monasterii, ubi preest dunnus Maiolus abba, aliquid ex rebus meis quę sunt sitę in pago Matiscensi, in agro Ipgiacensi, in ipsa villa; hoc est medietatem ęcclesię Sancti Germani, et capellam quę est in villa Domanico, et tres mansos in villa Ipgiaco superius denominata, cum servis et ancillis his nominibus: Dominico cum uxore sua et infantibus suis, et alium Dominicum cum uxore sua et infantibus suis, et Deodatum cum uxore sua et infantibus suis, et Teotlannum cum uxore sua et infantibus suis, et alia mancipia quę in ipsa villa habeo; necnon in villa Privisiaco duos mansos cum servis et ancillis his nominibus: Hunaldum cum uxore sua et infantibus suis, Dominicum cum uxore sua et infantibus, et alia mancipia quę ibi habeo; et duos mansos in villa Bassiaco, cum servis et ancillis his nominibus: Dominicum cum uxore sua et infantibus suis, et Durannum, et quicquid ad ipsos mansos superius denominatos aspicit vel aspicere videtur, totum cum omni integritate dono pro remedio animę meę ac patris mei Leotaldi ac matris meę Ermengardis, et omnium parentum meorum sive omnium fidelium christianorum. Medietatem ergo ecclesię Sancti Germani et capellam Sancti Petri in presenti dono in vestitura, reliqua vero mihi reservo dum advixero; post discessum autem meum, ad supradictum locum omnia superius denominata perveniant. Si quis vero, quod futurum esse minime credo, ego ipse aut ulla intromissa persona, contra hanc donationem a me libentissime factam venire voluerit, omnino non valeat vindicare quod repetit, sed potius iram Dei omnipotentis ac sancti Johannis, necnon sanctorum apostolorum incurrat, quorum res non est veritus invadere, atque, potestate cogente, cui vim ausus inferre fuit auri libras X persolvat, et inantea firma et stabilis permaneat. Actum Cluniaco publice. S. Alberici comitis, qui donavit et ipse firmavit. S. Narduini. S. Gauzeranni. S. Rocleni. S. Leopranni. S. Odilardi. S. Livonis. S. Raculfi. S. Teutberti. S. Alaldi. S. Hunberti. S. Aindrici. S. Silvualdi. S. Girmundi. S. Ansigisi. Data mense januario, anno octavo regnante Lothario rege Francorum. Rothardus autem, ad vicem cancellarii, scripsit et subscripsit.