Divina propiciante clementia, antiquitus constitutum est, ut ex rebus perituris ęterna vita valeat adquiri. Quamobrem ego Fulgaldus dono Deo et sanctis apostolis ejus Petro et Paulo ad locum Cluniacum, ubi donnus Maiolus abba preesse videtur, aliquid de rebus meis quę sunt sitę in comitatu Matisconensi, in agro Marciacensi, in ipsa villa: hoc est unum [mansum] cum vinea et prato quę simul tenentur; et terminantur a mane terra Sancti Petri, a meridie terra Arlei, a sero Gundulrici, a cirtio via publica. Infra istas terminationes, totum cum omni integritate dono ad prefatum locum, eo tenore ut quandiu vixero teneam et possideam; post meum vero discessum, ad Aymonem, nepotem meum, perveniat, post cujus obitum ad Sanctum Petrum revertatur, et faciant monachi quicquid voluerint. Sed et in singulis annis, tempore vindemię, in vestitura IIII sextarios de musto omnibus diebus vitę nostrę persolvemus. Si quis vero hanc donationem calumpniari presumpserit, non valeat vindicare quod repetit, sed, cogente potestate, cui litem intulerit auri libras II componat, et postea firma et stabilis permaneat, stipulatione subnixa. Actum Cluniaco publice. S. Fulcaldi, qui fieri et firmare rogavit. S. Aymonis. S. Arlei. S. Gunterii. S. alii Aymonis. S. Heliodi. S. Alimari. Data mense julio, anno VIII Lotharii regis. Rothardus scripsit.