CCE: cartae cluniacenses electronicae
Database of the Charters of the abbey of Cluny (802-1300)

BB 1144     View  [Back]
Charta qua Ado abbas dat Warnerio tres campos in villa Davaiaco.
Dilecto fidele meo, nomine Vuarnerio. Ego Ado abba, pro amore vel bone voluntate, dono tibi aliquit de res meas que sunt sitas in pago Matisconense, in agro Fusciacense, in villa Davaiaco: hoc est campus cum vinea et bosco insimul tenente, qui vocat in Castaneto; terminat a mane terra Sancti Stefani, a media die terra Sancti Stefani et Sancti Leudegarii, a sero silva communale, a cercio Sancte Marie et Sancti Martini. Infra istas terminio tibi dono, et dono tibi campos II: unus campus vocat Altrunco, alius campus ad Gemma et servo Aaldro cum uxore sua et infantibus illorum; istas res et istis mancipiis tibi dono ea tenore, dum ego vivo, usum et fructum habeo; post meum discessum tibi perveniat, et post tuum discessum, si infantem legalem abueris, ad illum perveniat; et si infantem non abueris, ad propincos meos perveniat, et omni anno, pro animam meam, XV fratres refeccio persolvas tu et eredes tui, et faciatis post illum diem quicquid facere volueritis, sine ullo contradicentem. Si quis vero donatione ista contradixerit, auri untias II cumponat, et firma permaneat, cum stipulatione subnixa. Actum Matisconum publice. Ado voluntate mea feci et fieri rogavi. S. Ugoni. S. Vuarnerio. S. Gunduldrico. S. Saleconi. S. Rotberto. Data per manus Rodoardi, sub die veneris, in mense januario, anno VIIII regnante Hlotharii regis.
(Au dos:) Ado in Davaiaco donacio.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung