Charta qua Hugo dat monasterio Cluniacensi res suas in Ivueranda et in cæteris villis.
Omnibus fidelibus christianis misericors Deus concedere dignatus est, ut si peccaverit, veniam per helemosinam mereatur, unde scriptum est: «Honora Dominum de tua substancia.» Quapropter ego, in Dei nomine, Ugo cogito casum humane fragilitatis et æterne retributionis, et ut beatum Petrum apostolum in die exitus mei intercessorem habeam, pro hoc amore dono Sancto Petro Cluniacensis monasterii aliquid ex rebus meis: in primis vineas quæ de Acberto adquisivi in Ivueranda et in villa Vineola mansos II, et in villa Capalias manso uno, cum vinea et prato vel quicquid ad illum aspicit; et dono in villa Vigusco mancipium meum, nomine Benedicto, cum uxore sua et infantibus, simul cum terras quas excolit; et in villa Cardonaco manso I, et in Volninco villa vinea una que adquesivi de Donneverto, et in villa Casutit manso uno, cum servo Frotlanno et mulierem et infantibus. Has vero prenominatas terras ad integrum cedo Santo Petro. Et in Amanciaco villa quicquid visus sum habere, excepto manso de Fonte Lovoni et vinea de Bona Valle, excepto servo Ragamfredo; eo tenore ut quamdiu ego vivo, usum et fructum et inde percipio; post meum quoque discessum, sine aliqua tarditate Sancto Petro perveniat. Si quis vero contra hanc donacionem aliquam calumniam inferre voluerit, nullatenus vindicet, sed inferat cui litem intulerit tantum et aliud tantum quantum predicte res eo tempore emeliorate valuerint, et deinceps firma et stabilis permaneat, cum stipulacione subnixa. S. Ugoni, qui hanc cartulam fieri et firmare rogavit. S. Blitgardis. S. Fulcherio. S. Bosoni subdiaconi. S. Ardrado. S. Bernardo. S. Rot
berto. S. Vuillelmo. S. Eldino. Scripsit Teutardus dyaconus, in mense januarii, feria VI, anno XXVI regnante Gonrado rege.
(Au dos:) In Vigos et in Viniola. - Carta Ugonis quam fecit sanctis apostolis Petro et Paulo.