Dilecto filio meo Adebran. Ego Tetbran et ussor sua Beliar, in pro amore et bone voluntate, dono tibi curtilo et maso indominicato, et vinea et campo insimul tenentur, qui es situs in pago Matisconense, in agro Miolanense, in villa Buferias, ubi in Valorico vocat; terminet de tres partes terre ad ipso donatore, a cercio par terre ad ipso donatore, de tercio par terre Evaracio, par via pullica. Infre istas terminaciones, totum ad integrum tibi dono. Et dono tibi illa planta que in Exar Marcello vocat; terminet de tres partes terre ad ipso donatore, a cercio par terre Obber. Infre istas terminaciones, totum ad integrum tibi dono. Et dono tibi alio curtilo ubi Alposeo vocat; terminet de unu latus et ad uno front terre Manao, de tercio par terre Sancto Petro, a cercio par terre ad ipso donatore. Infre istas terminaciones, totum ad integrum tibi dono. Et dono tibi campo et prato insimul tenentur, ubi a Valorico vocat, que de Lanterio conquesivimus, totum ad integrum tibi dono. Et dono tibi prato ubi in Fraineo Mulnario vocat, parcionem nostram ad integrum tibi dono. Et dono tibi alio prato qui in Praa Buferias vocat, la mea parcionem tibi dono. Et dono tibi de alias meas, quantum visus fuit abere, la quarte par tibi dono, in tale tinore de isto quarte par, quando Tetbran et Beliar vivit, usum et fructum abeo, et si necessitas ebeo vendere et donare, possumus; et faciatis pos isto die quitquid facere volueriti in omnibus. Si quis vero, nullum contradicentem. Actum Ciricus villa pullice. S. Tetbran et Beliar, qui donacione fieri et firmare rogavit. S. Adalar. S. Lanbao. S. Rotar. S. Bernar. S. Ingelfredo. Ego Leotardus escrisit, datavit die veneris, in mense febroario, annos VIIII rennante Lotterio rege.