Charta qua Durannus sacerdos, consentientibus sororibus suis Teogarde et Girelde, dat monasterio Cluniacensi vineam in villa Molinis.
Auxiliante in perpetuum Deo et salvatori nostro, ego Durannus, sacerdos, pro remedio animę meę et patris ac matris meę et avunculi mei Gyrardi, dono Deo et Sancto Petro Cluniensis cenobii vineam unam in pago Cabilonensi, in fine Barbonense, in villa Molinis; et terminatur de uno latere terra Sancti Petri Cluniacensis, de alio terra Sancti Petri Brancedunensis, de duabus partibus Girfoni. In tali autem tenore hoc dono, ut quandiu vixerimus ego et nepos meus Bertardus, teneamus et possideamus; post nostrum amborum discessum, ad Sanctum Petrum perveniat, sine ulla contradictione. Qui autem contradixe
rit, maledictus sit, et hęc carta fi[r]ma et stabilis sit. Actum Cavilon civitate publice. S. Duranni, qui fieri et firmare rogavit. S. Teogardis, S. Gireldis, sororum ejus, quę consenserunt. S. Bertardi. S. Gisleberti. S. Giradi. S. Rainberti, presbiteri. S. Wichardi. Ego Raynoldus, cancellarius, scripsi anno XI Lotharii regis.