Sacro et venerabili cenobio Cluniensi monasterio, quod est constructum in honore beatorum apostolorum Petri et Pauli, quem donnus Maiolus gubernare videtur. Ego Adilis dono ex rebus proprietatis meę, que evenerunt mihi ex patre meo, Achardo nomine; et sunt ipse res site in pago Matisconensi, in agro Evuirandensi, in villa Escutiaco: hoc sunt curtile, campi, prata, silvis, cum exitibus et regressibus. Et habent ipse res fines et terminationes a mane finem de Floriago, a medio die finem de Lanolia, a sero Lera fluvio, a circio terra Ansberti cum filiis suis. Infra istas terminationes, quartam portionem dono a die presenti, ut fratres supradicti cenobii quicquid voluerint in omnibus faciant; aliam hereditatem, dummodo vivimus ego et dominus meus Raherius, usum et fructum habebimus, et post amborum nostrorum discessio, supradicti fratres teneant et secure possideant. Et si nos ipsi, aut aliquis de heredibus nostris, vel aliqua intromissa persona, qui hanc helemosinam calumpniare presumpserit, primitus iram Dei incurrat et beatorum apostolorum et omnium sanctorum, et dehinc firma et stabilis permaneat, stipulatione subnixa. S. Adilis, quę hoc donum fecit et firmari rogavit, consentiente viro suo. S. Lamberti, Engonis, Engelardi, Drocfredi, Constantini. Data per manum Stephani, anno XII regnante Lotthario rege. Et insuper donamus vobis cellarium unum, propter quod cęli secreta possidere valeamus.