CCE: cartae cluniacenses electronicae
Database of the Charters of the abbey of Cluny (802-1300)

BB 1223     View  [Back]
Charta qua Wichardus dat monasterio Cluniacensi ecclesiam sanctæ Mariæ in villa Celsiaco super Arderiam.
In nomine Verbi incarnati. Notum sit omnibus fidelibus cristianis ejus cruore redemptis, quod ego Vuichardus, divina tactus miseratione, simulque reminiscens peccatorum meorum enormitatem, dono Deo et sanctis apostolis ejus Petro et Paulo, et ad locum Cluniacum, quem domnus Maiolus, venerabilis pater, regere videtur, quandam ecclesiam in honore sanctæ Dei genitricis Mariæ dicatam, quę est in pago Lugdunensi, ac in villa Celsiaco sitam super fluvium Arderiam, cum omnibus suis apenditiis, campis scilicet, pratis, silvis, aquis, farinaris, pascuis, exitibus et regressibus, cultum et incultum, quęsitum et adquirendum, totum ad integrum, et quicquid ad ipsam ecclesiam aspicit vel aspicere videtur, a die presenti et in reliquo futuro tempore, pro animæ meæ remedio et patris ac matris atque fratris mei Unfredi, necnon etiam amitę meæ Sieburgis, quę mihi hanc eclesiam delegavit, et faciant rectores supradicti monasterii exinde in omnibus quicquid facere voluerint. Si quis autem contra hujus donationis cartam calumniam inferre voluerit, primitus iram Dei omnipotentis et sanctorum apostolorum Petri et Pauli incurrat et cum Juda traditore Domini, cum Datan etiam et Abiron sit par[s] ejus, nisi emendaverit; cogente etiam potestate, auri libras V persolvat et inantea firma et stabilis permaneat, stipulatione subnixa. S. Vuichardi qui fieri et firmare rogavit. S. Unfredi, fratris ejus. Benzo, sacerdos, subscripsit. S. Arulfi. S. Tancradi. S. Maalberti. S. Landrici. S. Rodlanni. S. Ardradi. S. Heldini. S. item Arulfi. S. Gisoni. S. Vuidoni. S. Annoni. S. Arnaldi. S. Tegrini. Data mense februario, anno XXX Cohunradi regis. Rothardus scripsit, ad vicem cancellarii.
(Au dos:) Carta Vuichardi, quam fecit Sancto Petro. - Donatio in Celsiaco, in pago Lugdunensi.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung