In nomine Domini Dei et Salvatoris nostri Jesu Christi. Hotto, gracia Dei imperator, et item Hotto, filio ejus, rex, anno imperii et rengni eorum, Deo propicio, hic in Italia sexto, sexto decimo die mensis julii, indictione decima. Constad nos Gaidulfus, judex domini imperatoris, filius bone memorie Petri, itemque judex, et Ima que et Imiga, filia quondam Vualperti, itemque judex, jugalibus, qui professi sumus nos jugales ambo ex nacione nostra legem vivere Langobardorum; ipso namque Gaidulfus, judex, vir et mundoaldo meo, mihi, cui supra, Imani que et Imiga consenciente et subter confirmante, et justa lege, una cum noticia de propinquioribus parentibus meis cui supra femine, it sun: Vualpertus, qui et Liugo, filius Bertari, nepus meus, seu Martinus monetarius et Vualcausus, genitor et filio, propinquiores parentes meis, in corum presentia vel testium certam facio professionem, quod nullam me pati violenciam ad quempiam ominem nec ab eundem jugale meo, nixi mea bona et spontanea voluntate, accepisemus nos ipse Gaidulfus, judex, et Ima que et Imiga jugalibus comuniter, sicutti et in presencia testium accepimus ad te Adelgisus, presbiter, officiale baxilice Sancti Georgii sita intra hanc urbem et filius quondam Dominici, argentum per denarios bonos, libras centum, abente per unaquis libra denarios duocenti quadraginta, finitum precium, pro pecia una de terra juris nostris jugalibus, quam abere vixi sumus intra hanc Ticinensem civetatem, ubi in parte solarium unum edificatum esse videtur, cum capella una inibi constructa in onore sancte Dei genetrice semper virginis Marie et sancti Michaelis arhangelis et sancti Petri apostoli, et omniumque sanctorum fundata, et ubi in parte alienas edificias edificatis esse videntur, cum curte et puteo seu broilo insimul tenente; cui coerencias decernitur: de duabus partibus vias publicas, da tercia parte terra que fuit quondam Alloni de Vico Piculo et quondam Vuarnoni, monetarius, da quarta parte terra Cuniberti, judici et Petri, subdiaconus, germanis, et terra sancte Ticinensis ecclesie. Necnon eciam et vendimus nos, quem supra, jugalibus tibi jam dicto Adelgisi, presbitero, per suscripta cartula et precio, pecia una de terra que vocatur Stagona, juris nostris jugalibus, quam abere vixi sumus intra hanc Ticinensem civetatem, prope locus ubi Becaricia dicitur, ubi Petrus, qui vocatur Grasello, suum proprium edificium edificatum abet; coerit ei da una parte muro Giselberti nego[ciatoris], de alia parte andito comuno, da tercia parte via publica, da quarta parte Stagona Vualperti judici, sibeque alii sunt in is omnibus coerentes. Adque vendimus nos, qui supra, jugalibus tibi jam fato Adelgisi, presbitero, per jam dicta cartula et precio, nostram porcionem quod est octavam pars de pecia una de terra, ubi octavam pars de molendinum unum et saluciola una cum areis suarum edificatis esse videntur, cum octavam pars de alveum fluminis Caterona insimul tenente ex una, cum octavam pars de ruges et aquaductile suo insimul tenente, similiter juris nostris jugalibus, quam abere vixi sumus foris et prope hanc urbem, non multum longe da turre que vocatur Alba. Simulque et vendimus nos, quem supra, jugalibus tibi Adelgisi, presbitero, per hanc cartulam, et pro jam dicto precio, casis et omnibus rebus illis, juris nostris jugalibus, quam abere vixi sumus in locas et fundas Soliassi et in casale que vocatur Fredesi, et in curte que dicitur Erisi, jacentes ipsis rebus super fluvio Padi; ut dictum est, tam predicta pecia de terra intra hanc urbem, ubi jam dictum solarium et capella et jam dictas alienas edificias edificatis esse videntur, cum curte et puteo seu broilo insimul tenente, et de predicta Stagona cum area sua intra hanc urbem, sive predictam octavam pars de jam dicta pecia de terra foris hanc urbem, cum octavam pars de molendinum et soluciola inibi edificata, cum octava pars de alveum fluminis Caterona insimul tenente, ubi jam dictam porcio de jam dictum molendinum edificatum esse videtur, cum rugias et aquaductile ipsius fluminis et molendini; sive predictis casis et rebus jacentes super fluvio Padi, in locas et fundas Soliassi, casale que vocatur Fredesi, et in curte que dicitur Erisi, cum casis, cum sediminibus et vineis, cum areis suarum, terris arabilis et gerbis, pratis, passcuis, silvis majoribus ac stalareis, rivis, rupinis ac palutibus, coltis et incoltis, divisis et indivisis, una cum finibus, terminibus, accessionibus et usibus aquarum, aquarumque ductibus, cum omni jure, ac jacenciis et pertinenciis earum rerum per locas et vocabolas ab ipsis casis et rebus pertinentibus, omnia et ex omnibus, sicutti nostro, quem supra, jugalibus per colibet genio pertenean juri, vel pertinentis inventis fuerin in integrum. Que autem ista pecia de terra intra hanc urbem ubi jam dictum solarium est, capella seu alienas edificias in parte edificatis esse videntur, cum curte et puteo seu broilo insimul tenente et jam dicta pecia de terra que vocatur Stagona, cum area sua intra hanc urbem et predictam nostram porcio quod est octavam pars de jam dicta pecia de terra jacente foris et prope hanc urbem, cum jam dictas porciones de predictum molendinum et saluciola inibi edificatis, et una cum jam dictas porciones de jam dictum alveum et rugias seu aquaductile fluminis Caterona insimul tenente, sive predictis casis et rebus super fluvio Padi, in locas et fundas Soliassi et in casale qui vocatur Fredesi atque in curte qui dicitur Erisi superius nominatis, una cum accessionibus et ingressoras earum, seu cum superioribus et inferioribus earum rerum, preter anteponimus jam dictas alienas edificias que super jam dicta pecia de terra intra hanc urbem edificatis esse videntur, in integrum, ab hac die tibi, cui supra, Adelgisi, presbitero, pro prefato precio vendimus, tradimus et mancipamus, nulli alii venditis, donatis, alienatis, opnossiatis vel traditis nixi tibi, et facias exinde a presenti die tu aut cui tu dederis vel abere statueris jure proprietario nomine quicquid volueritis, sine omni nostra, que supra, jugalibus et eredum nostrorum contradictione. Quidem et spondimus atque promittimus nos, quem supra, Gaidulfus judex, et Ima que et Imiga jugalibus, una cum nostris eredibus, tibi, cui supra, Adelgisi, presbitero, aut cui tu dederis vel abere statueris, ista pecia de terra intra hanc urbem, ubi jam dictum solarium et capella seu alienas edificias edificatis esse videntur, cum curte et puteo seu broilo insimul tenente, et jam dicta pecia de terra que vocatur Stagona similiter intra hanc urbem, et predictas nostras porciones, quod est hoctavam pars de pecia una de terra jacente prope foris hanc urbem, et nostram porcionem quod est octavam pars de jam dictum molendinum et saluciola, seu alveum fluminis Caterone et ruges, seu aquaductile insimul tenente, sive predictis casis et rebus jacentes super jam dicto fluvio Padi, in locas et fundas Soliassi et in casale quod dicitur Fredesi, et in curte que vocatur Erisi, qualiter superius legitur et in aliquit coerentias decernitur, in integrum ab omni omine defensare; quia si defendere non potuerimus, aut si vobis exinde aliquit per covis genium subtraere quixierimus, tunc in dublum ista vendita vobis restituamus, qualiter pro tempore fuerint melioratis aut valuerint sub exstimacione, intra hanc Ticinensem civetatem quamque et foris in consimiles locas et nihil nobis ex ipsum precium aliquit redeberis diximus. Actum civetate Ticinum feliciter. Gaidulfus subscripsi. Signum manus iste Imani que et Imiga, que hanc cartula vindicionis fieri rogavi et isto precio capi, eique relecta est. Vualpertus eadem Ima que et Imiga, amicta mea, interrogavi ut supra. Signum manibus istorum Martini et Vualcausi, genitor et filius, qui eadem Ima que et Imiga propinqua parente suorum interrogaverunt ut supra. Adelbertus, judex domini imperatoris, rogatus subscripsi. Heginulfus, judex sacri palacii, rogatus subscripsi. Albericus, judex sacri palacii, rogatus subscripsi. Allo, judex domini imperatoris, rogatus subscripsi. Ego Liuprandus, notarius sacri palatii, scriptor hujus cartule vindicionis, post tradita complevi et dedi.