In nomine Domini Dei et Salvatoris nostri Jesu Christi. Hotto, gracia Dei imperator, et item Hotto, filio ejus, rex, anno imperii et rengni eorum, Deo propicio, hic in Italia sexto, sexto decimo die mensis julii, indictio decima. Ego Adelgisus, presbiter, oficiale baxilice Sancti Georgii sita intra hanc Ticinensem civetatem, et filius quondam Dominici, qui professo sum ex nacione mea legem vivere Langobardorum, presens presentibus dixi: «Vita et mors in manu Dei est; melius est enim omini metu mortis vivere, quam spe vivendi morte subetanea preveniri.» Manifestum est mihi, cui supra, Adelgisi, presbitero, eo quod odie venundaverun mihi Gaidulfus, judex, filius quondam Petri, itemque judex, et Ima que et Imiga, filia quondam Vualperti, similique judex, jugalibus, per cartulam vindicionis, et pro accepto precio, pecias duas de terra quam abere vixi fuerunt intra hanc Ticinensem civetatem: una ex eas esse videtur non multum longe da baxilica Sancti Savini, alia pecia de terra esse videtur prope locus ubi Becaricia dicitur. In prima pecia de terra, qui jacet non multum longe da baxilica Sancti Savini, in parte edificatis esse videtur solarium unum et capella in ipsum solarium constructa, in onore sancte Dei genetricis virginis Marie et beati arhangeli Mihaelis et sancti Petri apostoli adque in onore omniumque sanctorum, et ubi in parte alienas edificias edificatis esse videntur, cum curte et puteo seu broilo insimul tenente; cui coerencias decernitur de duabus partibus vias publicas, da tercia parte terra que fuit quondam Alloni de Vico Piculo et terra quondam Vuarnoni, monetarius, da quarta parte terra Cuniberti, judici, et Petri, subdiaconi, cui supra, de ordine sancte Ticinensis ecclesie, germanis. Ab alia pecia de terra qui jacet prope locus ubi Becaricia dicitur, et ubi Petrus, qui vocatur Grasello, suum proprium edificium edificatum abet; coerit ei da una parte muro Giselberti, filii quondam Daiverti, de alia parte terra Vualperti, judici, da tercia parte via publica, et da quarta parte anditum de foro qui vocatur Cluso, sibeque alii sun in is omnibus coerentes. Adque eciam et venundaverun mihi ipse Gaidulfus, et Ima que et Imiga, jugalibus, per jam dictam cartulam et precio, suorum porciones quam est octavam pars de pecia una de terra juris suorum, quam abere vixi fuerunt foris et prope anc urbem, non multum longe da turre que vocatur Alba, ubi in ipsa hoctavam pars de jam dicta pecia de terra, hoctavam pars de molendinum et saluciola edificatis esse videntur, cum hoctavam pars de alveum fluminis Caterona, in qua ipsum molendinum edificatum esse videtur, et una cum hoctavam pars de aquaductile et rugias ipsius molendini insimul tenente. Simulque eciam et venundaverun mihi ipsi jugalibus, per ista cartula et precio, casis et rebus illis juris suorum, quam abere vixi fuerun in locas et fundas Soliassi et in casale qui vocatur Fredesi, seu in curte que dicitur Erisi, ut a presenti die in mea, aut cui ego dedisem vel abere statuisem, fuiset potestatem proprietario juri abendum, et faciendum exinde quod voluisemus. Nunc autem considerantem me Dei omnipotentis misericordiam et retribucionem eternam, ut ne casis et rebus ipsis seu capella, tam hic intra hanc Ticinensem civetatem quamque et foris, cum predictam octavam pars de jam dicta pecia de terra, et molendinum et alveum fluminis Caterona, cum rugias et aquaductile suo, sive predictis casis et rebus in locas et fundas Soliassi et in casale qui dicitur Fredesi adque in curte qui dicitur Erisi inordinatis relinquam; propterea prævidit eis ita ordinare et disponere ut omni tempore sic firmis et stabilis permanead, qualis ic subtus per singula capitula insertum fuerit et mea decrevit voluntas, pro animam et mercedem. Ideoque volo et statuo seu judico, quod per hanc cartulam ordinacionis mee confirmo, ut ab oc die inantea usque in perpetuum sit jam dicta capella, que est edificata in predictum solarium, in onore sancte Dei genetricis Marie et sancti arhangeli Mihaelis et beati Petri apostoli, seu in onore omniumque sanctorum, monesterium virorum constitutum, et subjugatum cum omnibus rebus ad eundem monesterium pertinentibus, desub regimine et potestate monesterii Sancti Petri constructum in loco qui vocatur Cloniacus et ad domnus Magiolus, abba jam dicto monesterio Sancti Petri, sita regnum Borgundie, ad predicto locus qui vocatur Cloniacus, et ad ejus successores; sin in eodem monesterium que nunc constituo monahi ordinati, qui cotidie in ipsum monesterium abiten, et missa et vesper, seu matutinum caneant et orationes faciant pro anima quondam Liutardi, episcopus, et anima Gaidulfi, judici, filius quondam Petri, itemque judici, seu pro anima Imani que et Imiga, filia quondam Vualperti, judici, conjus ipsius Gaidulfi, adque pro omnes animas cristianas quæ sacrum batismum receperun, die noctuque orent, ut Dominus noster Jesus Christus eorum pecata dimittat; et oc volo et statuo seu judico adque per hanc cartulam ordinacionis mee confirmo, ut abeant monahi illi quem ipse domnus Magiolus abba suique successores in predicta capella, qua nunc monesterium constituo esse intra hanc urbem Ticinensem, jam dicta pecia de terra, intra hanc urbem ubi jam dictum solarium edificatum esse videtur, cum curte et puteo seu broilo insimul tenente, et alia pecia de terra que vocatur Stagona, similiter intra hanc urbem seu predictam hoctavam pars de jam dicta pecia de terra, foris et prope hanc urbem, ubi hoctavam pars de jam dictum molendinum et saluciola edificatis esse videntur, cum hoctavam pars de fluvium Caterone et rugias seu aquaductile suo insimul tenente, adque jam dictis casis et rebus in locas et fundas Soliassi, et in casale que vocatur Fredesi, seu in curte qui dicitur Erisi, omnia sicutti michi, cui supra, Adelgisi, presbitero, odie ad istis jugalibus per jam dictam advenerunt cartula, ad usu et suntu monahi illi qui nunc et pro tempore in eodem monesterium que constituo esse, intra hanc urbem ad jam dictus domnus Magiolus abba suique successores ordinati fuerint, faciendum ex frugibus earum rerum vel censum quibus exinde annue Dominus dederit ad eorum usu et suntu, una cum accessionibus et ingressoras earum seu cum superioribus et inferioribus earum rerum, preter antepono jam dictas alienas edificias, que super jam dictas duas pecias de terra jacentes intra hanc urbem edificatis esse videntur, quicquid voluerint; pro anima mea et anima istorum Gaidulfi et Imani qui et Imiga, jugalibus, seu pro anima quondam Liutardi, episcopus sanctæ Comensis ecclesie, adque pro animas de omnes animas illas qui sacrum batismum receperunt mercedem; et oc volo et statuo seu judico ut in die aniversarii jam dicto quondam Liutardi, episcopus, et in die aniversarii istorum Gaidulfi et Imani, jugalibus, jam dicti monahi quem ipse domnus Maiolus abba suique successores in predictum monesterium, que noviter constituo esse, ordinaverint, et alii monahi qui in predicto monesterio, sita loco Cloniacus, nunc et pro tempore ordinati fuerint, missa et vesper seu matutinum caneant pro anima jam dicto quondam Liutardi, episcopus, et istorum jugalibus, seu pro omnes animas de parentela jam dicto quondam Liutardi, episcopus et ipsorum jugalibus, adque pro omnes animas cristianas, ut eorum oracio eis proficiant ad anime salutem et gaudium sempiternum, equaliter exinde fecerint (sic), Deum omnipotentem abeant retributorem. Necnon eciam volo et statuo seu judico ut in ipsum monesterium que noviter constituo esse edificatum, nullus alius omo abead licenciam, nec potestatem abam, nec monahum ibidem ordinandi, nixi domnus Magiolus, abba monesterio Sancti Petri sita loco Cloniacus, aut sui successores, et qui aliter fecerit, Deum omnipotentem abeant retributorem; et pro onore sacerdocii mei, nec mihi licead ullo tempore nolle quod voluit, set quod ad me semel factum vel conscriptum est, sub jusjurandum inviolabiliter conservare promitto, cum stipulacione subnixa. Hanc enim cartula ordinacionis me[e] paginam mihi Liuprandi, notarius sacri palacii, tradedit et scribere rogavit, in qua subter confirmans, testibusque optulit roborandam. Actum civetate Ticinum feliciter. Ego Adelgisus, presbiter, in ac cartula ordinacionis a me facta subscripsi. Laurencius, lege vivente Romana, rogatus subscripsi. Johannes rogatus subscripsi. Vualfredus, filius Joanni, monetarius, legem vivemte Romana, rogatus subscripsi. Adelmus, judex sacri palacii, rogatus subscripsi. Roidulfus, judex domini imperatoris hac regum, rogatus subscripsi. Andreas, notarius sacri palacii, rogatus teste subscripsi. Aginulfus, notarius sacri palacii, rogatus subscripsi. Ebbo, notarius sacri palacii, rogatus subscripsi. Ego, qui supra, Liuprandus, notarius sacri palacii, scriptor hujus cartula ordinacionis, post tradita complevi et dedi.