Notitia verpitionis quoniam quidam homo, nomine Hugo, venit aliquando ante Lanbertum, comitem, et ante seniores viros Carrelle castri, ad quos monachi Sancti Petri Cluniensis sepius proclamaverant et conquesti fuerant contra ipsum Hugonem videlicet, quia injuriosus eis et contrarius extiterat de capella Sanctę Marię inibi fundata et de rebus ad eam pertinentibus. Tunc ergo supradictus Hugo verpivit, et dejurando firmavit ut jam ulterius neque per se, neque per aliquos parentes aut consentaneos, contrarius aut violentus eis existerit de quibuscumque rebus, sive magnis, sive parvis, ad eandem ecclesiam pertinentibus. S. Lantberti, comitis. S. ipsius Hugonis. S. Attonis. S. Waldrici. S. Rotberti. S. Ornadi. S. Eldierii. S. Siefredi.