Sacrosanctę ecclesię que est constructa in honore Dei Patris omnipotentis et sanctorum apostolorum Petri et Pauli, ubi domnus Maiolus, abbas, preesse videtur. Ego Arnulfus, in Dei nomine, pro remedio anime meę et matris meę et parentum meorum et omnium fidelium christianorum, dono ad su[p]radictum locum Cluniacensem duos curtilos, quos Ermenbaldus possidet cum Johanne: qui sunt in pago Lugdunensi, in agro Forense, in villa de Ruinego; eo tenore, dum vixero, usufructum habeam, et post meum discessum, rectores supradicti cenobii in omnibus quicquid voluerint, et unoquoque anno VI denarios in vestitura persolvam. Et si aliquis contra hoc donum calumpniam inferre temptaverit, cum Dathan et Abiron et Juda, traditore, partem inferni cruciatus sustineat. S. Arnulfi, qui hoc donum fecit et firmari rogavit. S. Daidoni, Stephani, Arnulfi, Ainoni. Data per manum Grimardi, pridie kal. februarii, luna nona, anno XXVIII regnante Conrado rege.