Sacrosancte Dei ecclesie que est constructa in pago Matiscensi situata, in honore et veneratione sancti Petri, Cluniaco monasterii, ubi monachorum venerabilis congregatio Deo et sanctis ejus militare dinoscitur, quem domnus Mayolus abas ad regendum abere dignoscitur. Igitur ego Aimulfus et uxor mea, nomine Irmengarda, et filius noster, nomine Grimoldus, nos pariter, pro redemtione animarum nostrarum, ut pius Dominus de laqueo penas inferni nos liberare dignetur, vel pro sepultura, ad Sancta Maria Ternaico nobis donetis, in pro ipsa amore donamus ad Deo et Sancti Petri campum qui videlicet situm abet in pago Vienensi, in agro Hoctavensi, in villa que nominatur Cistarino, in loco ubi dicitur Rota; et abet ipsus campus fines de uno latus et in uno fronte terra Emmane, de alio latus Elsene vel Venie, in alio vero fronte terra Sancti Stephani. Infra as fines vel terminaciones, una cum arboribus et homine supraposito et exivis, totum et sub integro donamus ad Deum et Sancti Petri, scilicet vero tenore, quandiu ego Aimulfus vivo, usum et fructum mihi reservo, et recipiatis in vestitura sextarium I, et post meum quoque discessum, ipsus campus vobis manead. Quod si ego, nos ipsi, aut ullus homo, aut ulla aliqua persona, qui contra hanc elemosina ista aliquid agere vel inquietare voluerit, non valead evindicare quod repetit, set componat ad sanctam Dei ecclesiam de auro libra I, et post inde ira Dei et omnium sanctorum incurrat super eum, et cum Datan et Abiron in profundum inferni demergatur; et hec presens firma permanead, cum honore et stibulacione subnixa. S. Aymulfo et Ermengarda et Grimoldo, qui hanc donationem jusserunt fieri et firmare in presentem rogaverunt. S. Ricardo. S. Perminco. S. Addroldo. S. Girberto. S. Aimone. Ego Ado, notarius, qui hanc donationem scripsit, datavid IIII kalendas septembris, anno XXXIII regnante Chumrado rege.