In Dei nomine et sanctorum omnium. Ego Martinus et uxor mea vendimus vobis, scilicet domno Maiolo abbati cęterisque fratribus Cluniensibus, de rebus nostris, que sunt site in pago Matisconsi, in agro Marciacense, in villa Colonicas: hoc [est] vineam unam quę terminat a mane et a circio terra Sancti Petri, a sero ipsius Martini, a medio die muro manufacto; et habet in longum perticas X et novem, in latum unam. Infra istas terminationes, totum vobis ad integrum vendimus, et accepimus a vobis pretium valente solidos II. Et insuper donamus vobis unam petiolam de campo insimul tenente, qui terminat a mane terra ipsius Martini, a medio terra Vuiniberti, a sero Chimin, a circio terra Sancti Petri, et habet in longum perticas IIII, et in latum II; et aliam petiolam de campo vobis donamus, qui terminat a mane supradicti Martini et a circio, a medio die Sancti Petri, a sero via publica, et habet in longum perticas X, in latum II. Istas duas petiolas, dum vixero, usum et fructum possideam; post meum vero discessum ad fratres supradicti cenobii absque omni calumpnia perveniat, et qui contradictor repertus fuerit, dimidiam auri unciam persolvat, et deinceps firma et stabilis permaneat, stipulatione subnixa. Actum Lurdoni. S. Martini et uxoris suę, qui fieri et firmari rogaverunt. S. Ainaldi, Seiverti, scabinei, Evrardi, Odoni, Ermenaldi. Benedictus scripsit anno XVI regnante Lotthario rege.