Charta qua Tetelmus uxorque ejus Asselina dant Fredono et Aaltrudi uxori et Bernardo filiolo campum in villa Cavaniaco, in loco Clozello.
Domino frat[r]ibus Fredono, et uxore sua Aaltru, et filiotus Bernardi. Ego Tetelmus et uxore sua Asselina, in amore et benevolencia que contra vos abeo, et pro eo quot de fonte Sancti Marie te suscepimus, proterea pro ipsa amore donamus vobis campo in pago Matisconense, in villa Cavaniaco, in Clozello vocat; terminet ad mane et a sero de ipsa ereditate, a medio die muro manufacto, a cercio terra Sancti Petri; et abet in longo perticas XXIIII, in quisquo fronte perticas III. Infra istas terminaciones vobis dono; et dono vobis in isto loco, aliter
tantum si soper me vixerit. Si quis vero donacione ista contradixerit, auri libram componat, et inantea firma stabiles permanead, cum stipulacione subnixa. S. Tetelmi et uxore sua, qui donacione ista fieri et firmare rogavit. S. Detinco. S. Aalelmo. S. Ain. S. Aalboldi. S. Girardi. S. Rotardi. S. Joahni. S. item Aalelmus. Ego Valterius, sacerdos, scripsit, datavi die martis, kalendas marcias, annos XVII rennante Lotario regis.
(Au dos:) Fredono in villa Cavaniaco.