Charta qua Ainaldus et uxor ejus Otgardis vendunt monasterio Cluniacensi vineam in villa Colonicas.
Domino magnifico, in Christi nomine, et donni Maioli, abbatis Cluniensis cenobii. Igitur ego Ainaldus et uxor mea Otgardis vendimus vobis, o monachi Clunienses, unam vineam sitam in pago Matisconense, in agro Marciacense, in villa Colonicas, quę terminatur a mane muro manufacto, a meridie et a cirtio terra Sancti Petri, a sero terra Winiberti; et habet in longum et in latum perticas X et totidem pedes: et accipimus de vobis denarios XVIIII, et faciatis post hunc diem
quicquid volueritis. Et qui contradixerit, auri unciam componat; firma et stabilis permaneat, stipulatione subnixa. Actum Lordono. S. Ainaldi et uxoris ejus, qui vendiderunt et firmare rogaverunt. S. Martini. S. Icberti. S. Adalgisi. S. Alberici. S. Rotberti. Benedictus scripsit feria II, mense aprili, regnante Lothario rege anno XVI.