CCE: cartae cluniacenses electronicae
Database of the Charters of the abbey of Cluny (802-1300)

BB 1296     View  [Back]
Charta qua Achinus presbyter dat hereditatem suam [in villa Paliolus] nepotibus suis Issenbaldo et Hildegrino, sacerdotibus, post discessum eorum monasterio Cluniacensi dimittendam.
Dominis et in Christo fratribus, volo etiam vobis insinuare scriptisque in futuro tempore conservare, qua racione videlicet hereditatem meam cupio disponere, ego Achinus, sacerdos indignus, ne forte propinqui mee consanguinitatis, post discessum mee mortis inde abeant inter se altercationem litis. Quapropter duobus sacerdotibus, scilicet meis nepotibus, ceteris consanguineis mihi carioribus, Issenbaldo atque Hildegrino, hereditatem enim meam cum omni integritate, pro salute anime mee, post obitum meum concedo, id est mansum indominicatum, com casticiis et arboribus suprapositis, vineasque, campos, usum silvarum, molendinum, prata, terras cultas et incultas, aquas et decursus aquarum, quæsita et inquirenda; eo tenore ut quandiu vixerint teneant adque possideant, et per singulos annos sanctis apostolis Dei Petro et Paulo, ac venerabili abbati Maiolo, atque sub eodem rectoribus sancte Cluniacensis ecclesie, pro remedio anime mee, prandium pro censu preparent juxta suum posse; pos discessum vero eorum, sepe dicte hereditati nullum heredem subcedant, sed predictis apostolis et ad locum Cluniacum Deo servientibus monachis prefatam hereditatem totam et integram remittant; ab illo ergo die et deinceps Cluniacenses monachi sepe dictam hereditatem habeant et perpetualiter possideant, et quicquid de ea facere voluerint faciant. Si quis vero huic cartule aliquam inferre temptaverit calumniam, deleatur memoria et nomen ejus de libro vite, insuper quoque extraneus habeatur a liminibus sancte matris ecclesie et a consorcio omnium christianorum, sitque pars ejus cum Juda, traditore Domini, in inferno inferiori: cogente judiciali potestate, Cluniacensi ecclesie cui litem intulerit auri libram coactus exsolvat; hec cartula autem perpetualiter firma stabilis perseveret. S. Achini, presbiteri, qui hanc donacionem fieri et firmare rogavit. S. Aynardi. S. Arluini. S. Angelberti. S. Rainardi. S. Issenbaldi. S. Hildegrini. S. Rotgerii. S. Issengardis. S. Annee.
(Au dos:) Achini, presbiteri, in Palalioli.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung