Charta qua Archembaldus notum facit se campum in loco Montiliaco monasterio Cluniacensi et ecclesiæ sancti Johannis Chavariacensis dedisse.
Omnibus in gremio sanctę Dei ęcclesię residentibus notum esse volo, qualiter ego Archembaldus, una cum consensu filiorum ac filiarum mearum, dono Deo et sanctis apostolis ejus Petro et Paulo, ad locum Cluniacum, ubi donnus abba Maiolus preesse videtur, et Sancto Johanni, precursori Domini, Chavariacensi, aliquid de alodo juris mei: hoc est campum in loco qui dicitur Montiliacus situm, qui terminatur a mane terra Sancti Laurentii, a meridie Achardi et heri sui, a sero et a cirtio Sancti Petri et Sancti Johannis. Hunc vero campum denominatum concedo ad jam dictum locum Sancti Johannis in loco sepulturę, eo videlicet pacto, ut quandiu vixero usum fructuarium recipiam; post meum quoque discessum, absque ullius contradictione ad Sancti Petri locum et Sancti Johannis perveniat. Si quis autem huic donationi contrarius extiterit, ęterni incendii jaculo feriatur, nisi resipuerit; quod autem repetit implere non valeat, sed cui litem intulerit, auri uncias X componat et inantea firma et stabilis per
maneat, stipulatione subnixa. S. Archembaldi, qui fieri et firmare rogavit. S. David. S. Rotboldi. S. Duranni. S. Martini. Data per manum Rotberti, anno XXXV Condradi regis.