Mirum est et satis laudabile, et cetera. Igitur ego Malguinus dono Sancto Petro Cluniaco monasterio Ledemgiaco ecclesiam et quantum ad ipsam aspicit vel aspicere videtur in ipsa villa, franchicia et servicium que ad me venit; in villa Longa unum curtilum cum vinea, et a Salust, vineas duas; et alia vinea in Martiggono, in honore sancti Egidii; in villa Longa meum francum servicium, et unam vineam, et in Barbaria unam vineam et servitium francum totum; in Noelego unam vineam cum franchicia, et in Tresolono quantum habeo; in villa Mulino unum mansum, et in Genistinas franchicia, et in Mocello franchicia ubi Durannus manet, et in Geniculis totum, et Adalardum cum suo servicio et cum infantibus suis, et pratum quem Faramundus deservit: eo tenore quandiu vixero teneam, postea huic loco perveniat; et si voluntas mea crescit venire ad sanctum habitum, me recipiant. S. Malguinus, Archimbaldus, Teotardus, Arnaldus, Beraldus, Geraldus, Artaldus. Acta mense novembri, anno XVIII regnante Loterio. Gosbertus scripsit.