Domino sacrosancta Dei ecclesia qui est constructa in villa Cluniaco, monasterius in onore sancti Petri, quem donnus Maiolus abbas ad regendum abere videtur. Donator nomine Girboldus, presbiter, pro redimendum animam meam, ut pius et misericors Dominus de penas inferni et de potestate diaboli eripere vel liberare dignetur; in proter ipsa amore dono vobis res meas qui sunt sitas in pago Matisconensi, in agro Busiacensi, in ipsa villa resedunt: oc sunt vineis, campis et pratis. In primis dono vobis illo curtilo cum vinea, et superpositos et campo, et salzeo et exeo insimul tenente, cum vitis et arboribus a Vinea Sendranno vocat; terminat a mano via publica, a medium die et a sero terra Sancta Columba et Beliar et Sancto Michael, a cercio terra Sancti Vincenti et Sancti Petri. Infra istas terminaciones, quantum ibi abeo totum vobis dono ad integrum. Et dono illa vinea in Vallis vocat, quem pater meus per titulum cartarum mihi ereditavit, et quantum in ipsa villa conquesivi, et quantum visus fui abere, totum ad integrum vobis dono. Et dono vobis prato in Laprada; terminat a mano prato Sancti Laurenti, a medio die via publica, a sero similiter et Sancta Columba et Orluino, a cercio prado Sancti Petri. Infra isto terminio, la una medietate totum ad integrum. Et dono vobis in alio loco campo que de Vuiniiso conquesivi, ad Auxalerias vocat, totum ad integrum vobis dono Sancti Petri, et faciant rectores quiquid facere voluerint, sine nullum contradicentem. Si quis contradixerit, auri libras IIII^or solvet, et posea firma sit. S. Girbolt, presbiter, qui elemosina ista fierit et firmare rogavit. S. Jervis. S. Acart. S. Airarat. S. Grimalt. S. Durant. S. Vuicart. S. Adalgerio. Data per manu Joanni, presbiteri, die sabati, in menses genuarii, annos XVIII regnante Loterio rege.