CCE: cartae cluniacenses electronicae
Database of the Charters of the abbey of Cluny (802-1300)

BB 1320     View  [Back]
Charta qua advocati Desiderii presbyteri, scilicet Barnoldus presbyter, etc., dant monasterio Cluniacensi, de rebus ipsius Desiderii, quasdam terras in villis Curtis et Vernico prope Viennam.
Sacrosanctę Dei ęcclesiæ quę est constructa in honore sancti Petri, apostoli, de Cluniaco, ubi caterva monachorum dinoscitur. Ego, in Dei nomine, Barnoldus, presbiter, et Walterius, presbiter, et Fanoeldis, advocati Desiderio, presbitero, pro animę meę [remedio] et parentorum suorum, donamus ad ipsam ęcclesiam vinea[m] cum curtilo et campis qui sunt in pago Viennensi, in agro Carciacicensi, in villa Curtis et in villa Vernico, in Campanea. Habet ipsa vinea fines vel terminationes de uno latere via publica, de alio latere Sancti Petri terra, in superiore fronte terra Sancti Petri Camparonica, in subteriore fronte terra Otgerii et suos heres. Terminant ipsi campi de superiore latere via quę vadit de Molninto ad Viennam, de subteriore latere via quę vadit de Bussio ad Viennam. Infra has fines et terminationes, una cum arboribus et omne suprapositum et exivis, totum et sub integro quem ad ipso legibus obvenit, donamus pro animę Desiderio, vel parentum nostrorum ad ipsum locum. Et si nos ipsi, aut ullus ex heredibus nostris, quicquam contra hanc donationem agere voluerit, non valeat vindicare quod repetat, sed componat ad ipsum locum tantum et aliud tantum quantum ipsas res eo tempore meliorate valuerint, et hęc presens donatio facta firma permaneat, cum stipulatione subnixa. S. Barnoldi et Walterii et Fanoeldis, qui donationem ista[m] jusserunt fieri et firmare rogaverunt. S. Martini. S. Undradi. S. Richardi. S. Andreę. Ego Otgerius, sacerdos, hanc donationem scripsi, dictavi III kalendas septembris, regnante Cuhonrado rege anno XXXVI.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung