Scamium fecerunt domnus Maiolus, abbas Cluniensis, et monachi sibi subjecti cum quodam viro, nomine Goolberto, et uxore sua, nomine Consta[n]tia, de aliquibus terris. In primis donat Goolbertus et uxor ejus Constantia Sancto Petro vineam unam in pago Matisconensi, in agro Galoniacense, in villa Montelio vocant; et terminatur a mane et a cirtio terra Clementis, a medio die Sancti Petri, a sero via publica. Econtra donat domnus Maiolus prefato viro et uxori ejus vineam quę est in agro Ibiacense, in villa Verciaco, ad Closel vocant; et terminatur a mane et a cirtio terra Sancti Petri, a sero via publica, et habet in longum perticas VIII, et in utraque fronte V: et faciant utrique quicquid voluerint. Qui autem contradixerit, auri uncias V componat, et hoc scamium [firmum] et stabile permaneat, cum stipulatione subnixa. S. Goolberti et uxoris ejus Constancię, qui fieri et firmare rogaverunt. S. Bernardi. S. Rainfredi. S. Adalberti. S. Dominici. S. Rainfredi. S. Engelerii. S. Bernuini. Data per manus Adalberti, presbiteri, anno XX Lotharii regis.