Permutatio terrarum in villis Varenco et Marciaco inter monachos Cluniacenses, ex una parte, et Wichardum fratremque ejus Ademarum, ex altera.
Placuit atque convenit donno Maiolo, abbati, ceterisque fratribus Cluniensibus, ut cum quodam viro, nomine Wichardo, et germano suo Ademaro quasdam terras commutarent; quod et ita fecerunt. In primis donat Wichardus et frater suus Ademarus Sancto Petro et monachis Cluniensibus campum unum qui est situs in pago Matisconense, in agro Marciacense, in villa Varenco; et terminatur a mane et a cirtio terra Sancti Petri, a meridie de ipsa hereditate, a sero via publica, et habet in longum perticas XXX, in utraque fronte XIII. Et prope illum donant alium campum, qui terminatur a mane et a meridie increpito, a sero de ipsa hereditate, a cirtio terra Sancti Petri et habet in longum perticas XV, in utraque fronte VII. Et in alio loco unam perticam, quę habet in longum perticas III, inante grangiam jacet. Econtra dedit donnus Maiolus ipsis viris campum unum in villa Marciaco, ad Acrolo vocant; qui terminatur de tribus partibus de ipsa hereditate, a meridie terra Sancti Petri, et habet in longum perticas XLIII, in utraque fronte X. Infra istas terminationes, unusquisque quod accepit teneat ac possideat. Qui autem calumpniatus fuerit, auri
uncias III componat, et inantea firma et stabilis carta hujus scamii permaneat, stipulatione subnixa. Actum Lordono. S. Wichardi et germani sui Ademari, qui fieri et firmare rogaverunt. S. Icberti. S. Sieverti. S. Adalgisi. S. Dominici. S. Teobranni. S. Constantii. Benedictus scripsit feria II, mense februario, anno XX Lotharii regis.