Charta qua Girvisus dat monasterio Cluniacensi res suas in villa Boziaco.
Sacrosanctę Dei ęcclesię in honore beatorum apostolorum Petri et Pauli dicatę, quam donnus Maiolus, abba, regere videtur. Ego Girvisus dono, pro remedio animę meę et omnium parentum meorum, aliquid ex rebus meis quę sunt sitę in pago Matisconense, in villa Boziaco, videlicet quicquid in ipsa villa habeo vel habere visus sum, in campis, vineis, pratis, silvis, aquis aquarumque decursibus, totum ad integrum, eo tenore ut quandiu vixero teneam et possideam; post discessum autem meum, ad Sanctum Petrum perveniant, nemine contradicente. Qui autem contradixerit, auri libras X componat, et postea firma et stabilis permaneat. Actum Boziaco villa. S. Girvisi, qui fieri et firmare rogavit. S. Teoteni. S. Girboldi. S. Achardi. S. Aroldi. S. Tietberti. S. Isembardi. S. Ramnoldi. S. Giroldi. Data per manum Bernardi, sacerdotis, feria IIII, mense martio, regnante Lothario rege anno XX.