Sacrosanctę ęcclesię monasterii Cluniensis, ubi donnus Maiolus, abba, preesse videtur. Ego Eynricus et uxor mea Anna donamus, pro animabus nostris et omnium parentum nostrorum, campum unum qui est situs in pago Matisconense, in agro Ip[g]iacense, in ipsa villa, in Cavaniaco vocatur; et terminatur a mane terra Duranni, a medio die terra Stephani, a sero terra Hunberti, a cirtio via publica. Et dono campum similiter in Prato Manenco vocatur, terminatum a mane et a sero terra Sanctę Marię, a medio die terra Engelborge, a cirtio terra Sancti Mammetis. Infra istas terminationes, totum ad integrum dono, eo tenore ut, quandiu vixero, teneam et possideam, et post meum discessum ad Sanctum Petrum perveniant. Donamus etiam a die presenti campum in ipsa villa, in Vineolo vocatur; et terminatur a mane et a medio die terra Leutbaldi, clerici, a medio die terra Teodrici, a cirtio Sanctę Marię. Similiter donamus campum subtus Blandaium vocatur, et terminatur a mane decrepito, a medio die terra Sancti Vincentii, a sero aqua currente, a circio terra Ingelberti. Similiter donamus pratum ad Salcetum vocatur, et terminatur a mane terra Sancti Petri, a medio die terra Hunberti, a sero aqua currente, a cirtio terra Sancti Germani. Infra istas terminationes, a die presenti totum ad integrum donamus, et faciant monachi Sancti Petri quicquid voluerint. Qui autem contradixerit, auri uncias III persolvat, et postea hęc donatio firma et stabilis permaneat, stipulatione subnixa. S. Eynrici et uxoris ejus Annę, qui donaverunt et ipsi firmaverunt. S. Aroardi. S. Warenberti. S. Alerii. S. Tetonis. S. Eldeberti. S. Anserii. Data per manum Adalberti, presbiteri, mense aprili, anno XX Lotharii regis.