Previdens Dominus humani generis salutem, hanc medelam fidelibus suis contulit ut ex reditibus suis ęternam et sine [fine] mansuram gloriam, si eas bene distribuerint, valeant adipisci. Huic rei igitur gratia, ego Leotardus, sacerdos, dono Deo et sanctis apostolis ejus Petro et Paulo, ad locum Cluniacum, aliquid ex rebus meis, que sunt site in pago Matisconensi, in agro Martiacensi, in villa Canevas: hoc est curtilum unum cum mansione et vinea simul tenente, qui terminat a mane terra Hiberti et via publica, a medio die terra Sancti Ferreoli et Sancti Vincentii, a sero terra Grifoni et Teteldis, a circio via publica. Infra isto terminio, unam medietatem dono; et in alio loco qui vocatur Lochia dono vineam, quę terminatur a mane terra Ermengarii, a medio die Vuandalfredi, a sero Bernardi, a circio Girardi. Infra istas terminationes unam medietatem dono. Dono etiam et aliam vineam Cullegio, quę terminat a mane in ipsa hereditate, a medio die Teudeberti, a sero Stephani, a circio Sancti Petri. Infra isto terminio dono unam medietatem. Dono etiam in villa Duntiaco mansum cum vinea simul tenente, ubi visus sum ego manere, qui terminat a mane et a medio die terra Fulcaldi, a sero Arnulfi, a circio via publica. Infra isto terminio unam dono medietatem. Has ergo res denominatas ad prefatum locum dono, pro anime meę remedio et parentum meorum, ea scilicet ratione ut, quamdiu vixero, teneam et per singulos annos IIII sextaria vini persolvam; post finem vero vite meę, ad jam dictum locum perveniat. Si quis autem hanc donationem calu[m]pniare vel scindere voluerit, non valeat omnino vindicare quod repetit, sed, potestate cogente, cui litem inferre non timuit, auri libram I persolvat, et inantea firma et stabilis permaneat, stipulatione subnixa. S. Leotardi, sacerdotis, qui hoc donum fecit et firmari rogavit. S. Gunterii, presbiteri. S. Teutbranni. Data in mense aprili, anno XX Lottharii regis. Rothardus, ad vicem cancellarii, scripsit.