Charta qua Rainaldus dat monachis Silviniacensibus vineam in villa Gernente, in vicaria Borbonensi.
Divina pietate largiente legumque auctoritate concedente, sancitum est ut liberam erogandi potestatem habere debeat, si quis Deo sanctisque ejus aliquid de proprio jure delegare ac tradere sponte voluerit. Quapropter ego, in Dei nomine, Rainaldus, pro anima mea et pro anima Framerici, dono Deo et sanctis apostolis ejus Petro et Paulo ac Salviniacensi monasterio, paginam de vinea quę est in vicaria Borbonensi, in villa Gernente; et terminatur de uno latere vinea, de alio termido final, de alio sendario pedoale, et de alio via publica. Infra istos fines sex denaradas de vinea dono Deo et jam dictis apostolis. Quod si ullus homo calumpniare voluerit, non valeat vindicare quod repetit, sed coactus auri libram unam componat, et postea firma et stabilis permanead. S. Rainaldi, qui donavit et ipse firmavit. S. Archimbaldi. S. Arnusti (sic). S. Rainmundi. S. Domioni. Data mense augusto, anno XX Lotharii regis.