Charta qua Constancius et uxor ejus Ingelsendis dant pignori monasterio Cluniacensi curtilum et vineam in villa Coiciaco.
Nos itaque Constantius et uxor mea Ingelsendis incaucionavimus donno Maiolo abbati et monachis Cluniensis cęnobii unum curtilum et vineam qui est situs in pago Matisconensi, in fine Ciciacense, in villa Coiciaco; et terminantur curtilus et vinea a mane et a certio terra Sancti Petri, a meridie et a sero via publica. Infra istos terminos,
unam medietatem incautionavimus supradictis monachis pro solidis IIII, usque ad IIII annos; et postea, si redditi non fuerint, usque in diem solutionis in caucione maneat. S. Constantii et uxoris ejus, qui fieri et firmare rogaverunt. Signa suprascriptorum testium.