In nomine Dei eterni et Salvatoris nostri Jesu Christi. Donnus Mayolus abas Sancti Petri de monasterio Cloyniaco, {corr: Cluniaco} cum homni congregatione monacorum ibidem Deo servientes. Notum fieri volumus quam presentibus tan futuris, quia veniens fidelis noster, vocabulo Amaldrici, et filius suus, nomine Arnulfo, subdiacono, adiderunt presentiam nostram deprecantes quatinus ei quasdam res ecclesie Sancti Petri per prestaria testamenti hautoritatem concederemus; quod et fecimus. Cujus umillimis precibus absentientes concedimus eis res prephatas, qui videlicet situm abet in pago Vienensi, in agro Sancti Mauritii, in villa que nominantur Causilla, in loco ubi dicitur Balma: hoc est mansum unus cum vinea et campum in se tenentem, et abet fines vel terminationes de uno latus terra Sancti Mauritii, de alio latus via publica, et in ambis frontis terram de ipsa ereditate; infra as fines vel terminationes, una cum arboribus et subpræpositum et exivis, totum et sub integro quicquid ad ipsum mansum aspicit vel aspicere videtur, vobis donamus, ut conservetis et plantetis et edificetis et teneatis cunctis diebus vite vestre, ea tamen ratione quando istas res fuerit edificata, post hec inde in quisque anno, tempus vendemiarum, unum modium de musto persolvantur, scilicet vero ratione ut vinea ista, sicut jam subperius nominata est, sit vobis in beneficium, propter quod serviatis nobis; et post vestrum quoque amborum discessum, prenominate ipsas res ad jam prelibatam ecclesie Sancti Petri, sine ulla dilatione restituantur hac revocentur. Quatinus autem hujus conlationis scriptum inconvulsum obtinead vigorem, manu propria subter firmavimus, et quod roborandam aliis adsignavimus. S. domno Mayolo arhimandrita. S. Viviano. S. Leutsone. S. Leotfredi. S. Bladino. S. Pontione. S. Hachedeo. Ego Ado, notarius, qui hanc prestaria scripsit, datavid XVI kalendas junii, annos XXXVIIII reg[nant]e Chuonrado rege.