Dilecta uxore mea, nomen Doana. Igitur, in Dei nomen, Magingodo, in pro amore et bene voluntate que contra te abeo, et pro bona servisti que mihi servisti et in alia promisisti, propterea dono tibi de res meas que sunt sitas in pago Matisconense, in agro Marciacense, in villa Varengo: oc est curtilo et vinea cum manso indominicato, ubi Valericus manebit; terminat a mane terra Custabulo, a medio die rivo volvente et increpito, a siro de ipsa ereditate et terra Custabulo, a cercio via pullica: infra istas terminaciones totum tibi dono. Et de alia ereditate que in ipsa abeo, huna medietate tibi dono, vineis, campis, pratis, silvis, omnia et ex omnia, quesitum, ad inquirendum, trado atque transfundo. Et dono tibi Alerico et uxor sua et infantibus suis, et faciatis post anc diem quidquid volueritis in omnibus, abendi, vendendi, seu licea commutandi; et si ullus homo, qui contradicere voluerit, auri uncia una componat, firma estabilis permanead, constibulacione subnixa. Actum Marsiaco villa pullice. S. Magingodo, qui donacione ista fieri et firmare rogavit. S. Dadono. S. Arligio, Seuvino, Custabulo, Bernoart, Bernoeno, David. S. Adaldrado. S. Vuiniterio. S. Archimbert. S. Letoeno. S. Durant. Ego Eldradus scripsit et subdatavit die jovis, mense magius, annos XXII Lotario rege.