Locum sacrum situm in honore Domini nostri Jesu Christi et beati Petri apostolorum principis et beati Pauli doctoris gencium, Cluniensis monasterii, ubi sanctissimus abbas Maiolus preesse videtur. Ob hoc igitur ego, in Dei nomen, Radulfus, presbiter, pro remedium anime męę et pro remedium anime patris mei et genitricis mee, dono Domino Deo et supradictis sanctis alodem meum: hoc est in villa Martiniaco una condamina, qui abet fines de una parte terra Ildiardis, ex alia terra Arbert, ex III ex ipsa hereditate, ex IIII terra Remegiane, et in villa Pompiniaco una vinea qui abet fines de una parte de ipsa hereditate, ex alia similiter, ex III terra Frannaldi, ex IIII terminum incretum; similiter in villa Martiniaco vinea I, qui abet fines de una parte de ipsa hereditate, ex alia via puplica, ex III terra Aldebaldi, ex IIII terminum incretum; similiter in villa Martiniaco unum campum qui abet fines de una parte de ipsa hereditate, ex alia Sancti Agricoli, ex III terra Bernardi, ex IIII Dadranni; similiter in villa Martiniaco unum campum quem dedit mihi Johannes et Dodo, qui abet fines de una parte terra Guidoni, ex alia de ipsa hereditate, ex III Sancti Laurencii, ex IIII terminum incretum; isto confinato dono Domino Deo et supradictis sanctis in tali racione istam hereditatem, ut faciant rectores ipsius loci ab hodierna die quicquid voluerint, sine ullo contradicente. Et si quis ullus homo, vel ulla emissa persona qui contra hanc donacionem litem commovere voluerit, iram Dei omnipotentis et omnium sanctorum incurrat et cum Datan et Abiran et cum Juda traditore Domini sit damnatus in inferno inferiori et hec carta omni tempore firma permaneat, stibulacione subnixa. S. Radulfo, qui fieri vel firmare rogavit. S. Bernardi. S. item Radulfi. S. Joanni. S. Dodoni. S. Lanfredi. S. Frannildis. S. Ildiardis. Facta est hec carta anno XXV regnante Lothario rege. Raimbertus, sacerdos, scripsit.