CCE: cartae cluniacenses electronicae
Database of the Charters of the abbey of Cluny (802-1300)

BB 1464     View  [Back]
Charta permutationis terrarum in villis Lornandis et turris inter Maiolum, abbatem Cluniacensem, et Icbertum uxoremque ejus Letbergam.
Placuit atque convenit inter donnum Maiolum, abbatem, et fratres Clunienses, necnon et quendam virum, nomine Icbertum, ut inter se terras scamiarent, quod et fecerunt. In primis donat Icbertus campum et pratum quod est situm in pago Matisconensi, in villa Lornandis; et terminat a mane via publica, a medio die terra Sanctę Marię, a sero Sancti Petri, a cercio rupem magnam. Pratus etiam terminatur ita: a mane guttam currentem, a medio die terra Fredoni, a sero via publica, a cercio guttam aque. Econtra donat donnus Maiolus et monachi campum unum qui est in eodem comitatu, in villa Turris, qui terminat a mane terra Bernardi, a medio die Icberti, a sero via publica, a cercio ad ipsum Icbertum. Infra isto terminio donat donnus abbas et fratres, ut quandiu vivit Icbertus et Letberga, uxor ejus, teneant, et post obitum amborum medietas ipsius terrę ad locum Cluniacum perveniat, aliam medietatem Icbertus, filius eorum, teneat usque in finem vitę suę, et deinde ad jam dictum locum redeat ipsa pars medietatis. Campum et pratum quod supra insertum est ad presens ipsi condonant, ut faciant fratres quicquid facere voluerint, et hoc iccirco {corr: idcirco} faciunt ut ipsos fratres semper meliores et adjutores habeant; campum eo tenore donant fratres, ut ipsi ędificent et plantent, et in melius perducant ut, quando ad locum pervenerit denominatum, fratres eum recipiant constructum et ędificatum. Signum Icberti et uxori suę Letberge, qui fieri et firmare rogaverunt. S. Icberti et filii ejus. S. Constabuli. S. item Constabuli et Dedenchi, Dominici, Dodoni, Constantii, Icberti, item Constantii, Aichardi et Adelelmi. Data per manum Rothardi, anno XXV Hlotarii regis.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung