Sacrosancta Dei eclesia que est in onore beati Petri apostoli Cluniensis, quem domnus Mayolus abba ad regendum abere videtur. Igitur ego, in Dei nomen, Dominicus et uxor sua, Sisberga, pro amore et bone voluntate, vel pro remedium animas nostras, donamus res nostras at ipsa casa Dei, que sunt in pago Matisconense, in agro Fusciacense, in villa Vercheson: oc est vinea a Paludas vocat; terminat a mano et a certio terra Sancti Petri, a medio die via publica, a siro de ipsa ereditate: infra isto terminio, quidquid abeamus totum vobis donamus; in alio loco in Pradellas, quidquid ibi abeamus, totum vobis donamus: et in alio loco, in Pedroso vocat, oc est vinea; terminat a mano et a medio die Sancti Clementi, a siro Sancti Clementi, a cercio Sancti Petri, abet in longo perticas V et pedes VIII. Infra istas terminaciones vel perticationes vobis donamus; quamdiu nos vivimus usum et fructum, post nostrum discessum at ipsa casa Dei pervenit: et in ipso Pedroso vocat, una rascia de vinea vobis donamus; abet in longo perticas XV, pedes III, in uno fronte perticas II, pedes V, in alio fronte perticas II, pedes VIII. Infra isto terminio vel perticatio vobis donamus; quamdiu filius noster Sisbertus vivit, usum et fructum, pos suum discessum ad ipsa casa Dei pervenit, et faciant rectores quod voluerint; in quisco anno in vestituria sestarios VI de musto persolvant. Si quis donacionem istam contradixerit, auri libras IIII^or componat; firma permaneat, cum stipulatione subnixa. Ego Dominicus [et] uxor sua qui fierint et firmare rogaverunt. S. Rotardo. S. Vualterio. S. Adalgerio. S. Vuitbodo. S. alio Adalgerio. Data per manu Bernardi, sacerdotis, scripsit, datavit die veneris, mense mayo, annos XXV regnante Lotario rege.