CCE: cartae cluniacenses electronicae
Database of the Charters of the abbey of Cluny (802-1300)

BB 1493     View  [Back]
Charta qua Bernardus dat monasterio Cluniacensi, pro remedio animæ uxoris suæ Agbergæ, res in Carneto, Murzalo et Campo Spinoso.
Sacrosancto et exorabili loco in honore Dei et sanctorum apostolorum Petri et Pauli dicato, scilicet Cluniensi monasterio. Ego igitur, in Dei nomine, Bernardus dono Deo et jam dictis apostolis pro remedio animę meę et uxoris meę Agbergę, aliquid ex rebus meis quę sunt sitę in pago Matisconense, in agro Maciacense, in Carneto vocant, videlicet unam vineam cum mansione; et terminatur a mane terra Aldonis, a medio die terra Giraldi, a sero Sancti Vincentii, a cirtio via publica. Infra istos terminos, totum ad integro dono tali tenore ut, quandiu vixero, teneam et possideam, et singulis annis II sextarios de vino persolvam in vestitura, et post meum discessum ad jam dictum locum perveniat. Et dono in loco Murzalo campum terminatum a mane terra Girberti, a medio die terra Girardi, a sero Sancti Vincentii, a cirtio via publica, ea ratione ut, quandiu vixero, teneam et possideam, et post meum discessum, ad Sanctum Petrum perveniat. Et dono in Campo Spinoso campum pro sepultura uxoris meę Agbergę, qui habet in longum perticas LVI, et in ambabus frontibus VI; et terminatur a mane terra Altasanę, a medio die gutta currente, a sero terra Girberti, a cirtio muro manufacto. Infra istas terminationes, totum ad integrum dono, ut a die presenti faciant supradicti loci habitatores quod voluerint, nemine contradicente. Qui autem contradicere voluerit, non valeat vindicare quod repetit, sed coactus auri libram componat; et inantea firma et stabilis permaneat, cum stipulatione subnixa. Actum Lordono publice. S. Bernardi, qui fieri et firmare rogavit. S. Clementis. S. Leotberti. S. Girardi. S. Cristiani. S. Ansegeri. S. Aldoni. S. Bernardi. S. Sieberti. Data mense julio, anno XXV Lotharii regis. Rothardus scripsit.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung