Sacrosancto et exorabili Cluniaco in honore Dei et sanctorum apostolorum Petri et Pauli dicato, ubi donnus Maiolus abba preesse videtur. Nos, in Dei nomine, Ęva atque Adalradus donamus aliquid ex rebus nostris quę sunt sitę in pago Matisconense, in vicaria Fusciacense, in villa quę vocatur Vallis: hoc est duos curtilos cum vineis, pratis, vi[r]cariis et cum omnibus quę ad ipso aspicere videntur. Et hoc facimus pro animarum nostrarum remedio, ea videlicet ratione ut, quandiu ego Ęva vixero, usum fructuarium habeam, et post meum discessum, ad Sanctum Petrum perveniat, nullo homine contradicente, sed et in vestitura, singulis annis, IIII sextarios de vino persolvam. Si quis autem hanc donationis cartam scindere voluerit, non valeat vindicare quod repetit, sed coactus judiciaria potestate auri libram persolvat, et inantea firma et stabilis permaneat, stipulatione subnixa. Actum Cluniaco publice. S. Ævę atque Alradi, qui fieri et firmare rogaverunt. S. Odonis. S. Girberti. S. Evrardi. S. Duranni. S. Rannaldi. S. Macberti. S. Gotdefredi. S. Berardi. S. Malguini. S. Teodoli. Data per manum Josleni, levitę, regnante Lothario rege anno XXVI.