Notum sit omnibus christianis quod ego Girmoenus, et uxor mea Teduisa et filius noster Rainerius donamus Deo et sanctis apostolis ejus Petro et Paulo, ad locum Cluniacum, unum campum qui est situs in pago Matiscense, in agro Meleniacense, in villa Cundaminas; et terminatur a mane terra Alindedranę, a medio die via publica, a sero terra Mannonis, a cirtio Sancti Petri, et faciant monachi Clunienses quicquid facere voluerint in omnibus. Qui autem contradixerit, auri libras III persolvat, et hęc donatio firma et stabilis permaneat, stipulatione subnixa. S. Grimoeni, et uxoris ejus Teduisę, et filii eorum Rainerii, et uxoris ejus Steburgis, qui fieri et firmare rogaverunt. S. Rolanni. S. Martini. S. Gislerii. S. Eldeberti. S. Azonis. S. Vendranni. S. Richardi. Data per manum Bernardi, presbiteri, mense julio, anno XXVI Lotharii regis.