Charta qua Durannus et Adalgisus Girbergaque, mater eorum, dant monasterio Cluniacensi vineas tres in villis Prisciaco, Poliaco et Vercheson.
Sacrosanctę Dei ęcclesię in honore beatorum apostolorum Petri et Pauli dicate Cluniaco, ubi dunnus Maiolus, venerabilis abbas, magis videtur prodesse quam preesse. Ego, in Dei nomine, Durannus et Adalgisus et mater nostra Girberga, donamus de rebus nostris, quę sunt sitę in pago Matisconense, in agro Fusciacense, in his videlicet villis: in Prisciaco, in Poliaco et in Vercheson. Vinea quę est in Prisciaco terminatur a mane terra Udulrici, a medio die de ipsa hereditate, a sero via publica, a cirtio terra Sicberti. Alia vinea in Poliaco, terminatur a mane via publica, a medio die terra Sancti Filiberti, a sero Sancti Petri et Sancti Juliani, a cirtio terra Bovonis. Alia autem vinea, quę est in Vercheson, terminatur a mane terra Sancti Vincentii, a medio et a cirtio Sancti Martini, a sero terra Achardi. Infra istas terminationes, totum ad integrum donamus ad locum Cluniacum pro censu quem debemus propter precariam quam de ipso loco Sancti Petri [tenemus?]. S. Widradi, S. Duranni, presbiteri, S. Adalgisii, levite, qui fieri et firmare rogaverunt. S. Johannis, qui consensit. S. Bernardi. S. Udulrici. S. Anastasii. Data per manus Bernardi, sacerdotis, mense augusto, regnante Lothario rege anno XXVI.