Charta qua Stephanus de Aziaco notum facit se werpisse omnes querelas quas habebat contra monachos Cluniacenses in Dunziaco.
Noverint cuncti fideles quod ego Stephanus de Aziaco vuerpitionem facio monachis de Cluniaco de maleficiis quę mihi fecerunt de mansione mea quam destruxerunt in Aziaco, et de omnibus quęrelis quas habebam contra eos in Dunziaco, in silvis, in campis et in omnibus locis: hanc verpitionem feci presente donno Warnerio et Viviano atque Rotberto, monacho (?).