Salutifera Christi incarnatione relucente piissimaque ejus ammonitione edoctis fidelium populis, quibus generaliter precipit dicens: «Facite vobis amicos de iniquo Mammona,» igitur ego Ragnerius et filius meus Atto, enormitatem nostrorum reminiscentes peccaminum, donamus ad locum Cluniaco, pro remedio animarum nostrarum, aliquid ex rebus nostris. Sunt autem e res site in comitatu Augustodunensi, in villa Vallis: hoc est medietatem æcclesiæ in honore sancte Marie dicate, cum omnibus que ad ipsam æcclesiam pertinent. Dono Deo etiam quicquid in ipsa villa possidere videor hodierno die, cum campis, pratis, silvis, quesitum et ad inquirendum, ea ratione ut, quamdiu ego et filius meus Atto vixerimus, teneamus ac possideamus. Post nostrum vero discessum ad jam dictum locum perveniant; in vestitura vero donamus illam terram que ad ipsam æcclesiam pertinent. Si quis autem hanc donationem scindere voluerit, non valeat vindicare quod repetit. S. Ragnerii et filii sui Attonis, qui fieri et firmare rogaverunt. S. Josberti. S. Adalberti. S. Godulricus. S. Ratberti. S. Vidoni. S. Constancii. Item S. Vidoni. Regnante Lothario anno XXXVI.