Veridica Salvatoris voce monemur, qua generaliter cunctis æcclesiæ filiis precipitur: «Thesaurizate, inquid, vobis thesoros in cœlo.» Quapropter ego Constancius, frater Lauredi, dono Deo et sanctis apostolis ejus Petro et Paulo et ad locum Cluniacum, aliquid ex rebus meis, que sunt site in pago Matisconensi, in villa Calmiriaco, in agro Galoniaco: hoc est curtilum cum mansione superposita; terminat autem ipse curtilus a mane et a medio die via publica, a sero terra Adalgerii, a cercio terra Girberti. In alio loco, in villa Montilio, dono unum pratum et campum simul tenente; terminat autem a mane et a medio die via publica, a sero et a cercio rivo currente. Infra istas terminaciones, quicquid mihi evenire videbatur, totum ad integrum dono Deo pro remedio animæ meæ et fratris mei, et omnium parentum meorum; faciantque rectores jam dicti loci a die presenti in onnibus quicquid facere voluerint. Si quis autem hanc donationis cartam a me libentissime factam scindere voluerit, non valeat vindicare quod repetit; insuper coactus auri libras duas persolvat. S. Constancii, qui fieri et firmare rogavit. S. Arnulfi. S. Duranni. S. Aldegardis. S. Achardi. S. Godulrici. S. Ildini. S. Arnaldi. S. Benedicti. S. Giperii. S. Duranni. Hactum Cluniaco publice, regnante Lothario anno XXXVI. Aldebaldus scripsit.