CCE: cartae cluniacenses electronicae
Database of the Charters of the abbey of Cluny (802-1300)

BB 1584     View  [Back]
Charta permutationis terrarum in villis Fontana, Cirgo, etc., inter monachos Cluniacenses, ex una parte, Evamque et filios ejus, ex altera.
Placuit atque convenit venerabili patri Maiolo atque fratribus Cluniensibus, necnon etiam cuidam matronę, Evę nomine, ac filiis suis, ut inter se quasdam terras cummutarent seu scamiarent. Igitur dunnus abbas Maiolus et ceteri fratres in primis donant prefatę matronę Evæ ac filiis ejus mansum I cum farinario, qui est in pago Augustidunensi et in villa Fontana situs, cum omnibus suis apenditiis, campis scilicet, pratis, silvis, aquis aquarumque decursibus, quesitum et ad inquirendum, totum ad integrum. Econtra predicta matrona Eva et filii ejus Girbaldus, Hantelmus, Bernardus et alii filii ejus donant ad locum Cluniacum in reciproca vicissitudine, pro ipso manso, in villa quę dicitur Cirgus, mansum unum cum servo qui vocatur Johannes ac muliere sua, et quicquid ad ipsum mansum aspicere videtur, videlicet in campis, pratis, silvis, aquis aquarumque decursibus, quesitum et ad inquirendum. Istas res adquisivi de Ildearga. Et in alio loco, in ipsa villa, medietatem vineę. Et donamus duos campos quos de Bertranno conquisivimus, in Casartio, et medietatem curtilis quod est situm in Besorniaco, et quidquid ad ipsam medietatem aspicere videtur, et unum farinarium, et quicquid ad ipsum aspicere videtur. De his rebus suprascriptis faciat unusquisque nostrum quicquid voluerit. S. Evę, quę fieri et firmare rogavit. S. Girbaldi. S. Nantelmi. S. Otberti. S. Ingelberti. S. Adalelmi. S. Wilelmi. S. Girbaldi. S. Ursoni. Achedeus rogatus scripsit, ad vicem cancellarii, anno XXVIII regnante Lothario rege.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung