Charta qua Adaltrudis et filius ejus Bernardus vendunt monasterio Cluniacensi vineam in villa Exartellis.
Dilectisima femina Adaldru et filio suo Bernart, vendimus Deo et jam supradictis apostolis ejus Petro et Paulo, et ad locum Cluniacom, cui domnus Maiolus abba preesse videtur, una vinea in pago Matisconensi, in agro Marciacense, in villa Escartellis resedit, qui termined de totes partes terra ad ipso Sancto Petro, et abed in longo perticas XVII, in quisque front perticas III. Infra isto terminio vel perticacio, vobis vendimus, et accepimus precium de rectores Sancti Petri invalentem solidos VII; et pro ipsa precium manibus recepimus, et de juro nostro ad locum Cluniacum tradimus, cedimus adque transfundimus, et faciant rectores Sancti Petri pos isto die quicquid facere voluerint in omnibus. Si quis vero, nullum contradicentem, et qui temtare voluerit, de auro libera uncias II componat; firma estabilis permaneat, constipulacione subnixa. Actum Lordoni castelli. S. Adaldru et filio suo Bernart, qui vendicione ista fierint et firmare
rogaverunt. S. Tedbodi. S. Odeloni. S. Estefanus. S. Arember. S. Anselmo. Data per manu Girbaldi, presbiteri, sub die lunis, in mense aprili, annos XXVIII tempore Lotario rege.
(Au dos:) Adaltrudis in villa Esartellis.