Placuit atque convenit inter donnum Maiolum, abbatem, et monachos sibi subjectos, necnon quendam virum, nomine Arleium, cum uxore sua Aremburgi, ut quasdam terras inter se commutarent; quod et ita fecerunt. In primis donat Arleius et uxor sua Aremburgis donno abbati et monachis in pago Matisconensi, in villa Cassanias, unum campum terminatum de tribus partibus terra Sancti Petri, a cirtio via publica; et alium campum in villa Colonicas, qui terminatur a mane de ipsa hereditate, a meridie et a sero terra Sancti Petri, a cirtio via publica, et habet in longum perticas XLII, in latum XV. Et iterum in villa Turris illam terram totam, quam in ipsa habent, totum ad integrum, usque ad inquirendum. Econtra predictus abba et monachi donant prefato viro A[rleio] et uxori ejus A[remburgi] unum campum in villa Marciacense, qui terminatur a mane terra Sancti Petri, a meridie et a cirtio Sancti Vincentii, a sero via publica. Et in alio loco, in eadem villa, alium campum qui terminatur a mane terra Heldradi, a meridie et a cirtio Sancti Petri, a sero Duranni. Et iterum donant in alio loco unum campum terminatum a mane et a sero via publica, a meridie terra Constantii, a cirtio Arlei. Et donant in villa Colonicas unum campum qui vocatur Luiat; et habet in longum perticas XXXII, in latum I. Infra istas terminationes, unusquisque quod accepit teneat et possideat, et faciat quod voluerit. S. Arlei. S. Ademari. S. Eldini. S. Radulfi. S. Aremberti. S. Flodoni. S. Bernerii. S. Sevini. S. Berengerii. S. Rollendis. S. Dodæ. Data per manum Rothardi, kalendas julias, anno XXVIII Lotharii regis.