Charta qua Ansaldus et uxor ejus Rotrudis dant monasterio Cluniacensi vineam et campos in villa Oblado.
In Christi nomine. Ego Ansaldus et uxor mea Rotrudis donamus Deo et sanctis apostolis ejus Petro et Paulo Cluniensis monasterii, cui domnus Maiolus, venerandus abba, preesse videtur, aliquid de rebus nostris in comitatu Matisconensi, in agro Marciacensi, in villa Oblato residet: hoc est vinea quę terminat a mane et a medio die terra Tetbodi, a sero de ipsa hereditate, a circio Sanctę Marię, et habet in longum perticas XV, in latum XI. Infra isto terminio, unam medietatem donamus: et similiter campum in ipsa villa; terminat a mane terra Tedbodi, de uno latere Sancti Martini, de alio latere de ipsa hereditate, de una fronte petra nativa, habet in latum perticas II et pedes VI, in longum quantum tenebat. Infra isto terminio totum: et alium campum in ipso loco; terminat de tribus partibus terra de ipsa hereditate, a circio Sanctę Marię. Infra isto terminio, perticas VI michi reservo, aliud vero totum ad integrum donamus in locum sepulturę et pro remedio genitoris et genitricis nostre, in tali tenore, dummodo vivimus, usum et fructum habeamus, et post nostrum amborum discessum ad locum supradictum perveniat, et in unoquoque anno sextarios de vino IIII persolvamus. Actum Lurdono castello. S. Ansaldis et uxoris ejus Rotrudis, qui donationem hanc fecerunt et firmari rogaverunt. S. Bernulfi, Acardi, Bladini, Eldrici, Natalis, Gundoldrici, Leotardi. Girbaldus scripsit anno XXVIIII regnante Hugone rege.